തമിഴ്‌നാട് പ്രീമിയർ ലീഗിൽ മധുരൈ പാന്തേഴ്സിന് തകർപ്പൻ ജയം. സൂപ്പർ ഗില്ലീസിനെതിരെ 33 റൺസിന്റെ ജയമാണ് പാന്തേഴ്സ് നേടിയത്. ആദ്യം ബാറ്റ് ചെയ്ത മധുരൈ പാന്തേഴ്സ് 7 വിക്കറ്റ് നഷ്ടത്തിൽ 172 റൺസ് നേടി. മറുപടി ബാറ്റിംഗിനിറങ്ങിയ സൂപ്പർ ഗില്ലീസിന് 8 വിക്കറ്റ് നഷ്ടത്തിൽ 139 റൺസ് നേടാനേ സാധിച്ചുള്ളൂ.
പാന്തേഴ്സിന് വേണ്ടി അരുൺ കാർത്തിക്ക്(39) ഷിജിത്ത് ചന്ദ്രൻ(39) വിക്കറ്റ് കീപ്പർ നീലേഷ് സുബ്രഹ്മണ്യൻ (31) എന്നിവർ പൊരുതി നിന്നു. പെരിയ സ്വാമിയും ഹരിഷ് കുമാറും സൂപ്പർ ഗില്ലീസിന് വേണ്ടി 2 വിക്കറ്റുകൾ വീതം വീഴ്ത്തി. രാഹുൽ,മുരുഗൻ അശ്വിൻ,അലക്സാാണ്ടർ എന്നിവർ ഓരൊ വിക്കറ്റ് വീതവും വീഴ്ത്തി. എന്നാൽ ശശിദേവിന്റെ (51) അർദ്ധ സെഞ്ചുറിക്കും ചെപോക് സൂപ്പർ ഗില്ലീസിനെ വിജയത്തിലേക്ക് നയിക്കാനായില്ല. ഗോപിനാഥ്(45) ശശിദേവിന് മികച്ച പിന്തുണ നൽകി. മധ്യനിരയിൽ ഹരീഷ് കുമാർ(23)മാത്രമാണ് പിടിച്ച് നിന്നത്. കിരൺ കുമാറും അഭിഷേക് തന്വാറും സൂപ്പർ ഗില്ലീസിന്റെ 3 വിക്കറ്റുകൾ വീഴ്ത്തി. കൗശികും രാഹുലും ഓരോ വിക്കറ്റ് വീതവും വീഴ്ത്തി.
