സുപ്രീംകോടതി ഇടപ്പെട്ടു, തമിഴ്നാട് പ്രീമിയര്‍ ലീഗില്‍ മറ്റു സംസ്ഥാന താരങ്ങളില്ല

- Advertisement -

തമിഴ്നാട് പ്രീമിയര്‍ ലീഗില്‍ അന്യ സംസ്ഥാന താരങ്ങളെ പങ്കെടുപ്പിക്കേണ്ടതില്ലെന്ന് അറിയിച്ച് സുപ്രീം കോടതി. കമ്മിറ്റി ഓഫ് അഡ്മിനിസ്ട്രേറ്റര്‍മാരുടെ അറിയിപ്പ് പ്രകാരം നേരത്തെ ഇത്തരത്തില്‍ താരങ്ങളുടെ പങ്കെടുക്കല്‍ തടഞ്ഞിരുന്നു. ഇതിനെതിരെയാണ് ടിഎന്‍പിഎല്‍ ഭാരവാഹികള്‍ സുപ്രീംകോടതിയെ സമീപിച്ചത്. അതാത് അസോസ്സിയേഷനുകളില്‍ നിന്ന് അനുമതി പത്രം വാങ്ങിച്ചതിനാല്‍ ഇവരുടെ പങ്കാളിത്തം ഉറപ്പാക്കണമെന്നായിരുന്നു ടിഎന്‍പിഎലിനു വേണ്ട ഹാജരായ അഭിഭാഷകന്‍ ആവശ്യപ്പെട്ടത്.

എന്നാല്‍ ബിസിസിഐ ഭരണഘടനയിലെ ഇതിന്മേലുള്ള നിയമാവലി ചൂണ്ടിക്കാണിച്ചാണ് സിഒഎ അഭിഭാഷകന്‍ എതിര്‍വാദം ഉന്നയിച്ചത്. ഇതിനെ സുപ്രീം കോടതി ശരി വയ്ക്കുകയായിരുന്നു. ഫ്രാഞ്ചൈസികള്‍ക്ക് രണ്ട് പുറം സംസ്ഥാന താരങ്ങളെ പങ്കെടുപ്പിക്കാമെന്ന് നേരത്തെ ടിഎന്‍പിഎല്‍ നിയമങ്ങളില്‍ ഭേദഗതി വരുത്തുകയായിരുന്നു.

കൂടുതൽ കായിക വാർത്തകൾക്ക് : www.facebook.com/FanportOfficial

Advertisement