കാഞ്ചി വീരന്‍സിനു തോല്‍വി, 8 വിക്കറ്റ് ജയം സ്വന്തമാക്കി കാരൈകുഡി കാളൈ

- Advertisement -

തമിഴ്നാട് പ്രീമിയര്‍ ലീഗിലെ എട്ടാം മത്സരത്തില്‍ വിജയം സ്വന്തമാക്കി കാരൈകുഡി കാളൈ(കെകെ). ഇന്നലെ നടന്ന മത്സരത്തില്‍ വിബി കാഞ്ചി വീരന്‍സിനെയാണ്(വികെവി) കാരൈകൂഡി പരാജയപ്പെടുത്തിയത്. ആദ്യം ബാറ്റ് ചെയ്ത വികെവി 20 ഓവറില്‍ 145 റണ്‍സ് നേടുകയായിരുന്നു. 8 വിക്കറ്റുകളുടെ നഷ്ടത്തിലാണ് ഈ സ്കോര്‍. വിശാല്‍ വൈദ്യ 40 റണ്‍സുമായി ടോപ് സ്കോറര്‍ ആയി. സഞ്ജയ് യാദവ് 27 റണ്‍സും സുനില്‍ സാം(19), സുബ്രമണ്യ ശിവ(18), അശ്വത്(17) എന്നിവരുടെ ബാറ്റിംഗ് സംഭാവനകള്‍ കൂടി ചേര്‍ന്നപ്പോളാണ് സ്കോര്‍ 145ല്‍ എത്തിയത്.

കാരൈകുഡിയ്ക്ക് വേണ്ടി വെലിഡി ലക്ഷമണ്‍, മോഹന്‍ പ്രസാത് എന്നിവര്‍ രണ്ടും യോ മഹേഷ്, സ്വാമിനാഥന്‍, രാജ്കുമാര്‍ എന്നിവര്‍ ഓരോ വിക്കറ്റും നേടി.

മറുപടി ബാറ്റിംഗിനിറങ്ങിയ കാരൈകുഡി ശ്രീകാന്ത് അനിരുദ്ധയുടെ തകര്‍പ്പന്‍ ബാറ്റിംഗിന്റെ ബലത്തില്‍ (49 പന്തില്‍ നിന്ന് 93 റണ്‍സ് ) 16.3 ഓവറില്‍ വിജയം കൈവരിച്ചു. 2 വിക്കറ്റ് നഷ്ടത്തിലാണ് ഈ ജയം. ആദിത്യ(5), മാന്‍ ബാഫ്ന(24) എന്നിവര്‍ പുറത്തായപ്പോള്‍ 19 റണ്‍സുമായി രാജമണിി ശ്രീനിവാസന്‍ അനിരുദ്ധയ്ക്ക് മികച്ച പിന്തുണ നല്‍കി. 6 ബൗണ്ടറിയും 7 സിക്സുമാണ് അനിരുദ്ധ നേടിയത്.

കൂടുതൽ കായിക വാർത്തകൾക്ക് : www.facebook.com/FanportOfficial

Advertisement