ഹൺഡ്രഡ് ഡ്രാഫ്റ്റിൽ സ്മിത്തും വാർണറും ഗെയ്‌ലും വിലകൂടിയ താരങ്ങൾ

ഇംഗ്ലണ്ടിൽ നടക്കാനിരിക്കുന്ന ദി ഹൺഡ്രഡ് ക്രിക്കറ്റ് ടൂർണ്ണമെന്റിനുള്ള ഡ്രാഫ്റ്റിൽ ഓസ്‌ട്രേലിയൻ താരം സ്റ്റീവ് സ്മിത്തും ഡേവിഡ് വാർണറും വെസ്റ്റിൻഡീസ് താരം ക്രിസ് ഗെയ്‌ലും വിലകൂടിയ താരങ്ങൾ. ഇവരെ കൂടാതെ ഓസ്‌ട്രേലിയൻ താരം മിച്ചൽ സ്റ്റാർക്, ശ്രീലങ്കൻ താരം ലസിത് മലിംഗ, സൗത്ത് ആഫ്രിക്കൻ ഫാസ്റ്റ് ബൗളർ കാഗിസോ റബാഡ എന്നിവരും വിലകൂടിയ താരങ്ങളുടെ പട്ടികയിൽ ഉണ്ട്. ഈ താരങ്ങൾക്ക് എല്ലാം 125,000 പൗണ്ട്( ഏകദേശം 11,373,312 രൂപ) വിലയാണ് ഇട്ടിരിക്കുന്നത്.

അടുത്ത വർഷം ജൂലൈ – ഓഗസ്റ്റ് മാസത്തിലാണ് ദി ഹൺഡ്രഡ് ടൂർണമെന്റിന്റെ പ്രഥമ എഡിഷൻ നടക്കുക. 8 ടീമുകൾ പങ്കെടുക്കുന്ന ടൂർണമെന്റിൽ ഞായറഴ്ച നടക്കുന്ന ഡ്രാഫ്റ്റിൽ ഒരു ടീമിന് 12 താരങ്ങളെ സ്വന്തമാക്കാം. ഇവരെ കൂടാതെ ഇംഗ്ലണ്ട് ക്രിക്കറ്റ് ബോർഡിന്റെ സെൻട്രൽ കോൺട്രാക്ട് ഉള്ള ഒരു താരവും 2 പ്രാദേശിക താരങ്ങളും ഒരു ടീമിൽ ഉൾപെടും. ആകെ 570 താരങ്ങളാണ് ഡ്രാഫ്റ്റിൽ ഉള്ളത്. 239 വിദേശ  താരങ്ങളും 331 ഡൊമസ്റ്റിക് താരങ്ങളുമാണ് ഡ്രാഫ്റ്റിൽ ഉള്ളത്.

Previous articleവിഷ്ണു വിനോദിന്റെ വെടിക്കെട്ട് ശതകം, ആന്ധ്രയ്ക്കെതിരെ 6 വിക്കറ്റ് വിജയവുമായി കേരളം
Next articleവിജയ് ഹസാരെയിൽ പതിനേഴുകാരന്റെ റെക്കോർഡ് ഡബിൾ സെഞ്ചുറി