ടെക്നോപാര്ക്ക് പ്രീമിയര് ലീഗ് അവസാന ഘട്ടത്തിലേക്ക്. ഫേസ് 1, ഫേസ് 2 മത്സരങ്ങളും ചാമ്പ്യന്സ് റൗണ്ടും കഴിഞ്ഞ് ആറ് ടീമുകള് സൂപ്പര് സിക്സ് ഘട്ടത്തിലേക്ക് യോഗ്യത നേടിയിട്ടുണ്ട്. നിലവിലെ ചാമ്പ്യന്മാരായ എച്ച്&ആര് ബ്ലോക്ക് ബ്ലൂ, റണ്ണേഴ്സപ്പ് ആയ അലയന്സ് വൈറ്റ്സ് എന്നിവര്ക്കൊപ്പം ക്യുബര്സ്റ്റ് റെഡ്, ഗൈഡ് ഹൗസ് ബ്ലൂ, കെയര്സ്റ്റാക്ക് ബ്ലൂ, ഇവൈ വൈറ്റ് എന്നിവരാണ് സൂപ്പര് സിക്സിലേക്ക് യോഗ്യത നേടിയത്.
ഏപ്രിൽ ആദ്യവാരം മുതൽ സൂപ്പര് സിക്സ് മത്സരങ്ങള് ആരംഭിയ്ക്കും. ഏപ്രിൽ 9ന് ആണ് ടിപിഎലിന്റെയും ടെക്നോപാര്ക്ക് വനിത ക്രിക്കറ്റ് ലീഗിന്റെയും ഫൈനൽ മത്സരങ്ങള് നടക്കുക.
156 ടീമുകളാണ് ടിപിഎൽ 2023ൽ പങ്കെടുത്തത്. മുരുഗന് ക്രിക്കറ്റ് ക്ലബ് ആണ് സംഘാടകര്. TWCLൽ 21 വനിത ടീമുകളാണ് പങ്കെടുക്കുന്നത്.
