സീനിയര് താരങ്ങളായ തമീം ഇക്ബാലും ഷാക്കിബ് അല് ഹസനും തിളങ്ങിയ ഫ്ലോറിഡയിലെ രണ്ടാം ടി20 മത്സരത്തില് മികച്ച സ്കോര് നേടി ബംഗ്ലാദേശ്. ടോസ് നേടിയ വിന്ഡീസ് ബംഗ്ലാദേശിനോട് ആദ്യം ബാറ്റ് ചെയ്യാന് ആവശ്യപ്പെടുകയായിരുന്നു. 20 ഓവറില് 5 വിക്കറ്റ് നഷ്ടത്തിലാണ് ടീം 171 റണ്സ് നേടിയത്. തുടക്കത്തില് തുടരെ വിക്കറ്റുകള് നഷ്ടമായ ബംഗ്ലാദേശ് 4ാം വിക്കറ്റ് കൂട്ടുകെട്ടില് തമീം ഇക്ബാല് – ഷാക്കിബ് അല് ഹസന് കൂട്ടുകെട്ട് നേടിയ 90 റണ്സിന്റെ ബലത്തില് മികച്ച സ്കോറിലേക്ക് നീങ്ങുകയായിരുന്നു.
44 പന്തില് നിന്ന് 74 റണ്സമാണ് തമീം ഇക്ബാല് നേടിയത്. 6 ബൗണ്ടറിയും 4 സിക്സുമാണ് താരം നേടിയത്. ഷാക്കിബ് 38 പന്തില് 60 റണ്സ് നേടി അവസാന ഓവറില് പുറത്തായി. മഹമ്മദുള്ള 13 റണ്സ് നേടി പുറത്താകാതെ നിന്നു. ആഷ്ലി നഴ്സ്, കീമോ പോള് എന്നിവര് വിന്ഡീസിനായി രണ്ട് വീതം വിക്കറ്റ് നേടി. ആന്ഡ്രേ റസ്സലിനാണ് ഒരു വിക്കറ്റ്.
കൂടുതൽ കായിക വാർത്തകൾക്ക് : www.facebook.com/FanportOfficial
