ന്യൂസിലാണ്ടില് ബംഗ്ലാദേശിന് വിജയം കുറിയ്ക്കാന് ഇതുവരെ ആയിട്ടില്ല. 13 ഏകദിനങ്ങളിലും നാല് ടി20 മത്സരങ്ങളിലും ബംഗ്ലാദേശ് പരാജയം ഏറ്റുവാങ്ങുന്നതാണ് കണ്ടിട്ടുള്ളത്. ഇത്തവണ മൂന്ന് വീതം ഏകദിനങ്ങളും ടി20 മത്സരങ്ങളുമാണ് പരമ്പരയിലുള്ളത്.
ഫെബ്രുവരി 24ന് ന്യൂസിലാണ്ടിലെത്തിയ ബംഗ്ലാദേശ് തങ്ങളുടെ 14 ദിവസത്തെ ക്വാറന്റീനിലൂടെയാണ് ഇപ്പോള് കടന്ന് പോകുന്നത്. ക്യാപ്റ്റനെന്ന നിലയില് തന്റെ ആദ്യ വിദേശ പര്യടനം ആണ് ഇതെന്നും തന്റെ ടീം ആദ്യ ഏകദിനത്തിനു മുമ്പ് പൂര്ണ്ണ സജ്ജരായിരിക്കുമെന്നും ഇത്തവണ ന്യൂസിലാണ്ടില് ചരിത്രം കുറിയ്ക്കുവാന് ടീമിന് സാധിക്കുമെന്നുമാണ് ബംഗ്ലാദേശ് നായകന് തമീം ഇക്ബാലിന്റെ പ്രതീക്ഷ.
എല്ലാ താരങ്ങളും മികവ് പുലര്ത്തണമെന്ന് അതീവ ആഗ്രഹം ഉള്ള വ്യക്തികളാണെന്നും അതിനാല് തന്നെ ഇത്തവണ ശുഭപ്രതീക്ഷയുണ്ടെന്നും തമീം വ്യക്തമാക്കി. ഒരു ഗ്രൂപ്പെന്ന നിലയില് കളിച്ച് തങ്ങളുടെ പദ്ധതികള് പൂര്ണ്ണമായും നടപ്പിലാക്കിയാല് ഏത് ടീമിനെയും പരാജയപ്പെടുത്തുവാനുള്ള ശേഷം ബംഗ്ലാദേശിന് ഉണ്ടെന്നും തമീം വ്യക്തമാക്കി.