എന്എസ് ചതുര്വേദിന്റെയും എന് ജഗദീഷന്റെയും ബാറ്റിംഗ് മികവില് ഡിണ്ടിഗല് ഡ്രാഗണ്സിനു ജയം. കാഞ്ചി വീരന്സിനെതിരെയുള്ള മത്സരത്തില് ഏഴ് വിക്കറ്റിന്റെ ജയമാണ് ടീം സ്വന്തമാക്കിയത്. ആദ്യം ബാറ്റ് ചെയ്ത വിബി കാഞ്ചി വീരന്സിന്റെ തുടക്കം മോശമായിരുന്നു. 27 റണ്സ് എടുക്കുന്നതിനു മുമ്പ് 4 വിക്കറ്റുകള് നഷ്ടമായ ടീമിനെ അഞ്ചാം വിക്കറ്റില് മോകിത് ഹരിഹരന്(77*)-ഫ്രാന്സിസ് റോകിന്സ്(64*) കൂട്ടുകെട്ട് നേടിയ 139 റണ്സ് കൂട്ടുകെട്ടിന്റെ ബലത്തില് 20 ഓവറില് 166 റണ്സില് എത്തിക്കുകയായിരുന്നു. അരുണ് മൊഴി ഡ്രാഗണ്സിനു വേണ്ടി രണ്ട് വിക്കറ്റ് നേടി.
ഡിണ്ടിഗല് ഡ്രാഗണ്സിനു വേണ്ടി ഹരി നിശാന്തും(50) ജഗദീഷനും (41) ചേര്ന്ന് ഒന്നാം വിക്കറ്റില് മികച്ച കൂട്ടുകെട്ടാണ് പടുത്തുയര്ത്തിയത്. എന്നാല് മത്സരത്തിന്റെ ഗതി മാറ്റി 5 പന്ത് ശേഷിക്കെ ടീമിനെ വിജയത്തിലേക്ക് നയിച്ചത് 17 പന്തില് 41 റണ്സ് നേടിയ ചതുര്വേദിന്റെ ഇന്നിംഗ്സായിരുന്നു. 19.1 ഓവറിലാണ് ഡ്രാഗണ്സ് 7 വിക്കറ്റ് ജയം സ്വന്തമാക്കിയത്. 27 റണ്സ് നേടി ബാലചന്ദര് അനിരുദ്ധും മികവ് പുലര്ത്തി.
കൂടുതൽ കായിക വാർത്തകൾക്ക് : www.facebook.com/FanportOfficial
