തമിഴ്നാട് പ്രീമിയർ ലീഗിൽ 7 വിക്കറ്റ് ജയം സ്വന്തമാക്കി കാഞ്ചി വീരൻസ്. സിലമ്പരസന്റെ 5 വിക്കറ്റ് സ്പെല്ലാണ് കാഞ്ചിക്ക് തുണയായത്. മധുരൈ പാന്തേഴ്സിനെ അക്ഷരാർഥതിൽ ഞെട്ടിച്ചാണ് കാഞ്ചി വീരൻസ് ജയം നേടിയത്.
ആദ്യം ബാറ്റ് ചെയ്ത മധുരൈ പാന്തേഴ്സ് 9 വിക്കറ്റ് നഷ്ടത്തിൽ 138 റൺസ് എടുത്തു. മറുപടി ബാറ്റിംഗിനിറങ്ങിയ കാഞ്ചി വീരൻസ് ഒരു ഓവർ ബാക്കി നിൽക്കെ ജയം കണ്ടു. ലോകേശ്വറും (51) സതീഷുമാണ് (22) പുറത്താവാതെ നിന്നത്. കാഞ്ചി വീരൻസ് നിരയിൽ നിന്നും ക്യാപ്റ്റൻ അപരാജിത് (44) റൺസെടുത്തു. സിദ്ദാർഥ് 14ഉം വിഷാൽ വൈദ്യ 6 റൺസും നേടി. കിരൺ ആകാശ്, മിഥുൻ, കൗശിക് എന്നിവർ കാഞ്ചി വീരൻസിന്റെ ഓരോ വിക്കറ്റ് വീതം വീഴ്ത്തി.
ആദ്യം ബാറ്റ് ചെയ്ത മധുരൈ പാന്തേഴ്സിനെ സിലമ്പരസൻ എറിഞ്ഞിടുകയായിരുന്നു. ക്യാപ്റ്റൻ ഷിജിത് ചന്ദ്രൻ (39) കൗശിക് (22) അഭിഷേക് തന്വാർ (19) എന്നിവരാണ് ആകെ പിടിച്ച് നിന്നത്. സിലമ്പരസന് പുറമേ താമരൈകണ്ണൻ ഒന്നും സതീഷ് 2ഉം വിക്കറ്റുകൾ വീഴ്ത്തി.