പാകിസ്ഥാൻ ഫാസ്റ്റ് ബൗളർ ഷഹീൻ ഷാ അഫ്രീദി ടി20 ബ്ലാസ്റ്റിന്റെ വരാനിരിക്കുന്ന പതിപ്പിൽ നോട്ടിംഗ്ഹാംഷെയറിനായി കളിക്കും. താരവും ടീമുമായി കരാർ ഒപ്പുവെച്ചു. ഇടംകൈയ്യൻ ബാറ്റർ കോളിൻ മൺറോയ്ക്കൊപ്പം നോട്ടിംഗ്ഹാംഷെയറിന്റെ രണ്ട് വിദേശ താരങ്ങളിൽ ഒരാളാണ് അഫ്രീദി.
2017ലും 2020ലും നോട്ടിംഗ്ഹാംഷെയർ ടി20 ടൂർണമെന്റിൽ വിജയിച്ച ചരിത്രാമുള്ള നോട്ടിങ്ഹാംഷെയർ അവസാന രണ്ടു സീസണുകളിൽ നോക്കൗട്ട് ഘട്ടത്തിലേക്ക് യോഗ്യത നേടിയിരുന്നില്ല. നോട്ടിംഗ്ഹാംഷെയർ നോർത്ത് ഗ്രൂപ്പിൽ ആണ് കളിക്കുന്നത്. മെയ് 26 വെള്ളിയാഴ്ച നോട്ടിംഗ്ഹാമിലെ ട്രെന്റ് ബ്രിഡ്ജിൽ നടക്കുന്ന ഉദ്ഘാടന മത്സരത്തിൽ ഡെർബിഷയറുമായി അവർ കൊമ്പുകോർക്കും.