83 റണ്‍സ് വിജയം സ്വന്തമാക്കി കേരളം

- Advertisement -

മണിപ്പൂരിനെതിരെ 83 റണ്‍സിന്റെ വിജയം നേടി കേരളം. ആദ്യം ബാറ്റ് ചെയ്ത കേരളം നായകന്‍ സച്ചിന്‍ ബേബി പുറത്താകാതെ നേടിയ 75 റണ്‍സിന്റെ ബലത്തില്‍ 186/5 എന്ന സ്കോര്‍ നേടിയപ്പോള്‍ മണിപ്പൂരിനു 20 ഓവറില്‍ നിന്ന് 103 റണ്‍സാണ് ഏഴ് വിക്കറ്റ് നഷ്ടത്തില്‍ നേടാനായത്. മത്സരം വിജയിച്ചത് വഴി കേരളത്തിനു 4 പോയിന്റ് ലഭിയ്ക്കുകയും ചെയ്തു.

കേരളത്തിനായി സന്ദീപ് വാര്യര്‍, ബേസില്‍ തമ്പി, നിധീഷ് എംഡി, രോഹന്‍ പ്രേം, മിഥുന്‍ എസ്, വിനൂപ് ഷീല മനോഹരന്‍ എന്നിവര്‍ ഓരോ വിക്കറ്റ് നേടി. 28 പന്തില്‍ നിന്ന് പുറത്താകാതെ 40 റണ്‍സ് നേടിയ യശ്പാല്‍ സിംഗും 32 റണ്‍സ് നേടിയ മയാംഗ് രാഘവും ആണ് മണിപ്പൂര്‍ നിരയില്‍ ബാറ്റിംഗില്‍ തിളങ്ങിയ താരങ്ങള്‍.

Advertisement