കേരളത്തിന് വേണ്ടി ടി20 ക്രിക്കറ്റില് ആദ്യ ശതകം നേടിയ താരമായി മാറിയ മുഹമ്മദ് അസ്ഹറുദ്ദീന് പാരിതോഷികം പ്രഖ്യാപിച്ച് കേരള ക്രിക്കറ്റ് അസോസ്സിയേഷന്. കേരള ക്രിക്കറ്റ് അസോസ്സിയേഷന് അംഗങ്ങളും പ്രസിഡന്റും സെക്രട്ടറിയും താരത്തിന്റെ പ്രകടനത്തെ അനുമോദിക്കുന്നതിന്റെ ഭാഗമായി ഒരു ലക്ഷത്തി മുപ്പത്തിയേഴായിരം രൂപ പാരിതോഷികം ആയി നല്കുമെന്ന് സെക്രട്ടറ്റി അഡ്വ. ശ്രീജിത്ത് വി നായര് പറഞ്ഞു.
മുംബൈയ്ക്കെതിരെ 54 പന്തില് നിന്ന് 137 റണ്സ് നേടി പുറത്താകാതെ നിന്ന അസ്ഹറുദ്ദീന്റെ പ്രകടനം കേരളത്തെ സയ്യദ് മുഷ്താഖ് അലി ട്രോഫിയിലെ രണ്ടാം ജയത്തിലേക്ക് ടീമിനെ നയിക്കുകയായിരുന്നു.