ഇന്ത്യയുടെ T20I ക്യാപ്റ്റൻ, സൂര്യകുമാർ യാദവ്, തള്ളവിരലിന് ഏറ്റ പരിക്ക് മാറി തിരികെയെത്തി. സെപ്റ്റംബർ 19 ന് അനന്തപുരിൽ ആരംഭിക്കുന്ന ഇന്ത്യ എയ്ക്കെതിരായ അവസാന ദുലീപ് ട്രോഫി മത്സരത്തിൽ ഇന്ത്യ സിക്ക് വേണ്ടി സൂര്യകുമാർ കളിക്കും.
ബുച്ചി ബാബു ഇൻവിറ്റേഷൻ ടൂർണമെൻ്റിൽ കളിക്കുന്നതിനിടെ പരിക്കേറ്റതിനെ തുടർന്ന് സൂര്യകുമാറിന് ദുലീപ് ട്രോഫിയിലെ ആദ്യ രണ്ട് മത്സരങ്ങൾ നഷ്ടമായിരുന്നു. അദ്ദേഹത്തിൻ്റെ തിരിച്ചുവരവ് ടേബിൾ ടോപ്പർമാരായ ഇന്ത്യ സിയെ കൂടുതൽ ശക്തിപ്പെടുത്തുന്നു. ഒക്ടോബറിൽ ബംഗ്ലാദേശിനെതിരെ നടക്കാനിരിക്കുന്ന ടി20 ഐ പരമ്പരയിൽ സൂര്യകുമാർ ഉണ്ടാകുമെന്ന പ്രതീക്ഷയും ഇത് നൽകുന്നു.