വിലക്ക് കഴിഞ്ഞ് തിരിച്ച് ഓസ്ട്രേലിയന് ടീമിലേക്ക് മടങ്ങിയെത്തുവാനിരിക്കുന്ന സ്റ്റീവ് സ്മത്തിനും ഡേവിഡ് വാര്ണര്ക്കും അടുത്ത് കാലത്തായി മികച്ച ഫോം കണ്ടെത്താന് സാധിച്ചിരുന്നില്ല. പല ടി20 ലീഗുകളിലും അത്ര ശ്രദ്ധേയമായ പ്രകടനം പുറത്തെടുക്കുവാന് ഇരു താരങ്ങളും ബുദ്ധിമുട്ടുന്ന കാഴ്ചയാണ് കണ്ടത്. അതേ സമയം ബംഗ്ലാദേശ് പ്രീമിയര് ലീഗില് കിക്കുന്നതിനിടെ ഇരു താരങ്ങള്ക്കും പരിക്കും ഏറ്റു.
പാക്കിസ്ഥാനെതിരെ യുഎഇയില് നടക്കുന്ന പരമ്പരയില് സ്റ്റീവ് സ്മിത്ത് തിരികെ എത്തുമെന്നാണ് കരുതിയതെങ്കിലും ഇപ്പോള് പരിക്ക് മൂലം താരത്തിന്റെ മടങ്ങി വരവ് വൈകുമെന്നാണ് അറിയുന്നത്. കൂടാതെ ആവശ്യത്തിനു മത്സര പരിചയം ഇല്ലാത്തതിനാല് താരത്തെ ലോകകപ്പ് സ്ക്വാഡില് ഉള്പ്പെടുത്തിയേക്കില്ലെന്നാണ് പുറത്ത് വരുന്ന വിവരം.
പകരം ഓസ്ട്രേലിയ എ ടീമിനൊപ്പം കളിച്ച് ആവശ്യത്തിനു മത്സര പരിചയം ഉണ്ടായ ശേഷം താരത്തെ ആഷസിനു പരിഗണിക്കുവാനാണ് ഓസ്ട്രേലിയ ഒരുങ്ങുന്നത്. ടീമിന്റെ കോച്ച് ജസ്റ്റിന് ലാംഗറും നേരിട്ടല്ലെങ്കിലും ഇത്തരത്തിലുള്ള സൂചനകള് നല്കിയിരുന്നു.
വ്യക്തികളെയല്ല മികച്ച ടീമിനെയാണ് നോക്കുന്നതെന്ന് പറഞ്ഞ ലാംഗര് അവര് എത്ര മികച്ച കളിക്കാരാണെന്ന് ഏവര്ക്കും അറിയാം എന്നാല് അന്നും ഇന്നും അവര് എങ്ങനെ കളിച്ചു കളിക്കുന്നു എന്നതിനെ നോക്കിയാവും ടീം സെലക്ഷനെന്നാണ് ലാംഗര് പറഞ്ഞത്.
അതേ സമയം ഡേവിഡ് വാര്ണര് തിരികെ ടീമിലെത്തുമെന്നാണ് കരുതപ്പെടുന്നത്. മാര്ച്ച് 29നു വിലക്ക് കഴിഞ്ഞ ശേഷം പാക്കിസ്ഥാനെതിരെയുള്ള ഏകദിന പരമ്പര താരം കളിക്കും. ആ അവസരം വിനിയോഗിച്ചാല് താരത്തിനു ലോകകപ്പ് സാധ്യതയുണ്ടാകും. ഡേവിഡ് വാര്ണറിനും പരിക്കേറ്റുവെങ്കിലും സ്മിത്തിന്റെ അത്രയും ഗുരുതരമല്ലാത്ത ശസ്ത്രക്രിയയാണ് വാര്ണര് വിധേയനായത്.