ബംഗ്ലാദേശിനെതിരെ രണ്ടാം ടെസ്റ്റില് ശ്രീലങ്ക കൂറ്റന് സ്കോറിലേക്ക്. ആദ്യ ടെസ്റ്റിലേതിന് സമാനമായി ശ്രീലങ്കന് ബാറ്റ്സ്മാന്മാര് ക്രീസില് നിലയുറപ്പിച്ചപ്പോള് 469/6 എന്ന നിലയിലാണ് ശ്രീലങ്ക രണ്ടാം ദിവസം അവസാനിപ്പിച്ചത്.
ഇന്ന് ടീമിന് 5 വിക്കറ്റാണ് നഷ്ടമായത്. ഇതില് മൂന്നെണ്ണം ബംഗ്ലാദേശിനായി ടാസ്കിന് അഹമ്മദാണ് നേടിയത്. ഓപ്പണര്മാരുടെ ശതകത്തിന് ശേഷം ഒഷാഡ ഫെര്ണാണ്ടോ(81) പതും നിസ്സങ്ക(30) എന്നിവരുടെ വിക്കറ്റും ശ്രീലങ്കയ്ക്ക് നഷ്ടമായി.
64 റണ്സുമായി നിരോഷന് ഡിക്ക്വെല്ലയും 22 റണ്സ് നേടി രമേഷ് മെന്ഡിസും ആയിരുന്നു ആണ് ആതിഥേയര്ക്കായി ക്രീസിലുള്ളത്. 87 റണ്സ് കൂട്ടുകെട്ടാണ് ഇരുവരും ചേര്ന്ന് നേടിയിട്ടുള്ളത്.