കോറോണ വൈറസ് ബാധക്കെതിരെ പ്രവർത്തിക്കുന്നതിന് വേണ്ടി ശ്രീലങ്കൻ സർക്കാരിന് 25 മില്യൺ ലങ്കൻ രൂപ സംഭാവന ചെയ്ത് ശ്രീലങ്കൻ ക്രിക്കറ്റ് ബോർഡ്. ഉടൻ തന്നെ തുക സർക്കാരിന് കൈമാറുമെന്നും ശ്രീലങ്കൻ ക്രിക്കറ്റിന്റെ പത്രക്കുറിപ്പിൽ വ്യക്തമാക്കി. ശ്രീലങ്കൻ ക്രിക്കറ്റ് ബോർഡിന്റെ ഈ സഹായത്തിന് ശ്രീലങ്കൻ പ്രസിഡന്റ് മഹിന്ദ രാജപാക്സെ നന്ദി അറിയിക്കുകയും ചെയ്തു.
കൊറോണ വൈറസ് പടരുന്നതിന്റെ സാഹചര്യത്തിൽ സർക്കാരിനെ സഹായിക്കുന്നതിന്റെ ഭാഗമായാണ് തുക കൈമാറുന്നതെന്നും ശ്രീലങ്കൻ ക്രിക്കറ്റ് ബോർഡ് വ്യക്തമാക്കി. നേരത്തെ കൊറോണ വൈറസ് ബാധയെ തുടർന്ന് ശ്രീലങ്കൻ ക്രിക്കറ്റ് ബോർഡ് പ്രാദേശിക മത്സരങ്ങൾ എല്ലാം നിർത്തിവെച്ചിരുന്നു.