അഫ്ഗാനിസ്താന് എതിരായ ആദ്യ ഏകദിനത്തിൽ ശ്രീലങ്കയുടെ ഓപ്പണർ പതും നിസങ്ക ചരിത്രം സൃഷ്ടിച്ചു. ശ്രീലങ്കയ്ക്ക് ആയി ഏകദിനത്തിൽ ഇരട്ട സെഞ്ച്വറി നേടുന്ന ആദ്യ താരമായി നിസങ്ക മാറി. ഇന്ന് ആദ്യം ബാറ്റു ചെയ്ത ശ്രീലങ്ക 381-3 എന്ന സ്കോർ നേടിയപ്പോൾ 210 റൺസുമായി നിസങ്ക പുറത്താകാതെ നിന്നു.
139 പന്തിൽ നിന്നാണ് നിസങ്ക 210 റൺസ് നേടിയത്. 8 സിക്സും 20 ഫോറും അടങ്ങുന്നതായിരുന്നു അദ്ദേഹത്തിന്റെ ഇന്നിംഗ്സ്. അവിഷ്ക ഫെർണാണ്ടോ 88 റൺസും സമരവിക്രമ 45 റൺസും എടുത്ത് നിസങ്കയ്ക്ക് പിന്തുണ നൽകി.
അഫ്ഗാനിസ്താനായി ഫരീദ് അഹ്മദ് 2 വികറ്റ് വീഴ്ത്തി.