ധാക്ക ടെസ്റ്റില് നിന്ന് പുറത്തായ ബംഗ്ലാദേശ് ഓള്റൗണ്ടര് ഷാക്കിബ് അല് ഹസന് പകരക്കാരെ പ്രഖ്യാപിച്ച് ബംഗ്ലാദേശ്. ചട്ടോഗ്രാമിലെ ആദ്യ ടെസ്റ്റിലെ രണ്ടാം ദിവസം പരിക്കേറ്റ ഷാക്കിബ് പിന്നീട് ടെസ്റ്റില് കളിച്ചിരുന്നില്ല. പരിക്ക് യഥാസമയം ഭേദമാകില്ലെന്ന് അറിഞ്ഞതോടെയാണ് താരത്തെ രണ്ടാം ടെസ്റ്റില് നിന്ന് ഒഴിവാക്കിയത്.
ഫെബ്രുവരി 11ന് ആരംഭിയ്ക്കുന്ന രണ്ടാം ടെസ്റ്റില് ഷാക്കിബിന് പകരം സൗമ്യ സര്ക്കാരിനെയാണ് ബംഗ്ലാദേശ് സ്ക്വാഡില് ഉള്പ്പെടുത്തിയിരിക്കുന്നത്. ആദ്യ ടെസ്റ്റില് 171 റണ്സിന്റെ ഒന്നാം ഇന്നിംഗ്സ് ലീഡ് ബംഗ്ലാദേശ് നേടിയെങ്കിലും വിന്ഡീസിനെതിരെ തോല്വിയായിരുന്നു ഫലം.