ഇന്ത്യൻ വൈസ് ക്യാപ്റ്റൻ സ്മൃതി മന്ദാന തുടർച്ചയായി രണ്ടാം വർഷവും വനിതാ ബിഗ് ബാഷ് ലീഗിൽ നിന്ന് വിട്ടു നിൽക്കാൻ തീരുമാനിച്ചു. വരാനിരിക്കുന്ന ആഭ്യന്തര സീസണിൽ ശ്രദ്ധ കൊടുക്കാനാണ് സ്മൃതി ബിഗ് ബാഷ് കളിക്കാത്തത്. ഇത്തവണത്തെ, ഡബ്ല്യുബിബിഎൽ ഓവർസീസ് ഡ്രാഫ്റ്റിനുള്ള 122 കളിക്കാരുടെ പട്ടികയിൽ മന്ദാന തന്റെ പേര് നൽകിയിട്ടില്ല.
ഒക്ടോബർ 19 മുതൽ അടുത്ത വർഷം ജനുവരി 26 വരെ ആണ് ഇന്ത്യൻ ആഭ്യന്തര സീസൺ ആരംഭിക്കുന്നത്. മഹാരാഷ്ട്രയ്ക്ക് വേണ്ടിയാകും സ്മൃതി കളിക്കുക. WBBL ഒക്ടോബർ 19-ന് ആരംഭിക്കുകയും ഡിസംബർ 2 വരെ നീണ്ടു നിൽക്കുകയും ചെയ്യും.
ഇന്നലെ സതേൺ ബ്രേവിനൊപ്പം വനിതാ ഹണ്ട്രഡ് കിരീടം നേടാൻ മന്ദാനക്ക് ആയിരുന്നു.