ഇന്ത്യയുടെ പരിചയസമ്പത്ത് കുറഞ്ഞ ബൗളിംഗ് നിര ഓസ്ട്രേലിയന് ഓപ്പണര്മാരെ പുറത്താക്കി ഇന്ത്യയെ 17/2 എന്ന നിലയില് ആക്കിയ ശേഷം ആതിഥേയരുടെ രക്ഷയ്ക്കെത്തി ബാറ്റിംഗ് ഇതിഹാസം സ്റ്റീവ് സ്മിത്തും അടുത്ത വമ്പന് താരമെന്ന് വിലയിരുത്തപ്പെടുന്ന മാര്നസ് ലാബൂഷാനെയും. മൂന്നാം വിക്കറ്റില് 48 റണ്സ് നേടിയ കൂട്ടുകെട്ട് ഗാബ ടെസ്റ്റിന്റെ ഒന്നാം ദിവസം ലഞ്ചിനായി ടീമുകള് പിരിയുമ്പോള് ഓസ്ട്രേലിയയെ 65/2 എന്ന നിലയിലേക്ക് നയിച്ചിട്ടുണ്ട്.
സ്മിത്ത് 30 റണ്സും ലാബൂഷാനെ 19 റണ്സുമാണ് ഇതുവരെ നേടിയത്. ഇന്ത്യയ്ക്കായി മുഹമ്മദ് സിറാജ് വാര്ണറെയും ശര്ദ്ധുല് താക്കൂര് മാര്ക്കസ് ഹാരിസിനെയും പുറത്താക്കി. താക്കൂറിന്റെ കന്നി ടെസ്റ്റ് വിക്കറ്റ് ആയിരുന്നു ഇത്.