റോയൽ ചലഞ്ചേഴ്സ് ബാംഗ്ലൂര് പകരക്കാരായി പ്രഖ്യാപിച്ച ശ്രീലങ്കന് താരങ്ങളായ വനിന്ഡു ഹസരംഗയും ദുഷ്മന്ത ചമീരയും ഈ വിവരം ബോര്ഡിനോട് ഇതുവരെ അറിയിച്ചിട്ടില്ലെന്ന് അറിയിച്ച് ലങ്കന് ബോര്ഡ് സെക്രട്ടറി മോഹന് ഡി സിൽവ. താരങ്ങള് ഇതുവരെ നോ ഒബ്ജക്ഷന് സര്ട്ടിഫിക്കറ്റ് അപേക്ഷിച്ചിട്ടില്ലെന്നും അപ്പോള് മാത്രമേ ഇതിനുള്ള അനുമതി നല്കുന്നത് ആലോചിക്കാനാകൂ എന്നും മോഹന് വ്യക്തമാക്കി.
ഐപിഎൽ ലേലത്തിൽ ഇരുവരെയും ആരും വാങ്ങിച്ചില്ലെങ്കിലും ആഡം സംപയും ഡാനിയേൽ സാംസും പിന്മാറിയതോടെ പകരക്കാരായാണ് താരങ്ങളെ റോയല് ചലഞ്ചേഴ്സ് ബാംഗ്ലൂര്് സ്വന്തമാക്കിയത്.
താരങ്ങള്ക്ക് അനുമതി നല്കുന്നതിനെക്കുറിച്ച് ബോര്ഡ് അവരുടെ അപേക്ഷ ലഭിച്ചാൽ മാത്രമേ തീരുമാനം എടുക്കുകയുള്ളുവെന്നാണ് ശ്രീലങ്ക ക്രിക്കറ്റിന്റെ തീരുമാനം.