കൊളംബോയിലെ സിന്ഹളീസ് സ്പോര്ട്സ് ക്ലബിലെ അഫ്ഗാനിസ്ഥാനെതിരെയുള്ള ഏക ടെസ്റ്റിന്റെ ഒന്നാം ദിവസം മേൽക്കൈ നേടി ശ്രീലങ്ക. ടോസ് നേടി ബൗളിംഗ് തിരഞ്ഞെടുത്ത ശ്രീലങ്ക അഫ്ഗാനിസ്ഥാനെ 198 റൺസിന് ഓള്ഔട്ട് ആക്കിയ ശേഷം 80/0 എന്ന നിലയിൽ ഒന്നാം ദിവസം അവസാനിപ്പിക്കുകയായിരുന്നു.
42 റൺസുമായി ദിമുത് കരുണാരത്നേയും 36 റൺസ് നേടി നിഷാന് മധുഷങ്കയുമാണ് ആതിഥേയര്ക്കായി ക്രീസിലുള്ളത്.
നേരത്തെ ആദ്യം ബാറ്റ് ചെയ്ത അഫ്ഗാനിസ്ഥാന് ഇന്നിംഗ്സിൽ 91 റൺസ് നേടിയ റഹ്മത് ഷാ ആണ് ടോപ് സ്കോറര്. നൂര് അലി സദ്രാന് 31 റൺസും നേടി.
ഒരു ഘട്ടത്തിൽ 109/2 എന്ന നിലയിൽ നിന്നാണ് അഫ്ഗാനിസ്ഥാന് 198 റൺസിന് ഓള്ഔട്ട് ആയത്. ശ്രീലങ്കയ്ക്കായി വിശ്വ ഫെര്ണാണ്ടോ 4 വിക്കറ്റ് നേടിയപ്പോള് അസിത ഫെര്ണാണ്ടോയും പ്രഭാത് ജയസൂര്യയും 3 വീതം വിക്കറ്റ് നേടി ആതിഥേയര്ക്കായി തിളങ്ങി.