ഇന്ത്യൻ ബാറ്റർ സൂര്യകുമാർ യാദവിന്റെ ഇപ്പോഴത്തെ പ്രകടനങ്ങൾ ഇതിഹാസ താരം വിവിയൻ റിച്ചാർഡ്സിനെ ഓർമ്മിപ്പിക്കുന്നു എന്ന് മുൻ ഓസ്ട്രേലിയൻ ക്രിക്കറ്റ് താരം ടോം മൂഡി. ലോക ഒന്നാം നമ്പർ ടി20 ബാറ്റർ സൂര്യകുമാർ യാദവ് ടി20യിൽ നടത്തുന്ന അത്ഭുത പ്രകടനങ്ങൾ താരത്തെ ടി20 റാങ്കിംഗിൽ ഒന്നാം സ്ഥാനത്ത് എത്തിച്ചിരുന്നു. 2021ൽ മാത്രമായിരുന്നു സൂര്യകുമാർ യാദവ് ടി20യിൽ അരങ്ങേറ്റം നടത്തിയത്.
സൂര്യകുമാർ യാദവ് കളിക്കുന്ന രീതി തന്നെ ആശ്വാസം നൽകുന്നതാണ്. അദ്ദേഹത്തിന്റെ പ്രകടനങ്ങൾ കണ്ടപ്പോൾ വിവിയൻ റിച്ചാർഡ്സിനെ പോലെയുള്ള ഇതിഹാസ ഓർമ്മ വരുന്നു. മൂഡി പറഞ്ഞു. റിച്ചാർഡ്സിനെ പോലെ ഒറ്റയ്ക്ക് കളിയുടെ വിധി തീരുമാനിക്കുന്ന കളി നിയന്ത്രിക്കാൻ ആകുന്ന കളിക്കാരൻ ആണ് സൂര്യകുമാർ. മൂഡി പറഞ്ഞു.