ഇന്ത്യക്ക് ആയി ഏകദിനത്തിലും ടി20യിലും തിളങ്ങുന്ന സൂര്യകുമാർ യാദവ് താമസിയാതെ ഇന്ത്യക്ക് ആയി ടെസ്റ്റും കളിക്കണം എന്ന ആഗ്രഹം പങ്കുവെച്ചു. ഇന്നലെ ന്യൂസിലൻഡിന് എതിരെ ടി20യിൽ സെഞ്ച്വറി നേടിയ ശേഷം സംസാരിക്കവെ ആണ് സൂര്യകുമാർ ടെസ്റ്റ് കളിക്കുന്നതിനെ കുറിച്ച് സംസാരിച്ചത്.
എല്ലാവരും ക്രിക്കറ്റ് കളിക്കാൻ തുടങ്ങുമ്പോൾ തുടങ്ങുന്നത് റെഡ് ബോളിൽ തന്നെയാണ്. ഞാനും എന്റെ മുംബൈ ടീമിനായി ഫസ്റ്റ് ക്ലാസ് ക്രിക്കറ്റ് കളിച്ചിട്ടുണ്ട്. അവിടെ കുഴപ്പില്ലാതെ കളിച്ചിട്ടുണ്ട്. സൂര്യകുമാർ പറഞ്ഞു.
അതിനാൽ തന്നെ എനിക്ക് ടെസ്റ്റ് ഫോർമാറ്റിനെക്കുറിച്ച് നല്ല ധാരണയുണ്ട്, ആ ഫോർമാറ്റും കളിക്കുന്നത് ഞാൻ ആസ്വദിക്കും. സൂര്യകുമാർ പറഞ്ഞും. എനിക്ക് ടെസ്റ്റ് ക്യാപ്പ് ഉടൻ ലഭിക്കുമെന്ന് പ്രതീക്ഷിക്കുന്നു എന്നും അദ്ദേഹം പറഞ്ഞു.