സൂര്യകുമാർ യാദവ് ഇന്നലെ സ്കോർ ചെയ്ത സെഞ്ച്വറി ന്യൂസിലൻഡിൽ താൻ കണ്ട മികച്ച ഇന്നിങ്സുകളിൽ ഒന്നാണ് എന്ന് മുൻ ന്യൂസിലൻഡ് ബാറ്റ്സ്മാൻ റോസ് ടെയലർ.
അവിശ്വസനീയമായ ഇന്നിംഗ്സായിരുന്നു ഇത്. അവൻ തുടങ്ങിയ രീതിയും, അവൻ ഫീൽഡിലെ ഗ്യാപ് കണ്ടെത്തി സ്കോർ ചെയ്യുന്ന രീതിയും എല്ലാം അവിശ്വസനീയമാണ്. ന്യൂസിലൻഡിൽ മക്കല്ലം, ഗപ്റ്റിൽ, മൺറോ എന്നിവരുടെ മികച്ച ഇന്നിംഗ്സുകൾ ഞാൻ കണ്ടിട്ടുണ്ട്, എന്നാൽ ന്യൂസിലൻഡിൽ ഞാൻ കണ്ട ഏറ്റവും മികച്ച ടി20 സെഞ്ച്വറികളിൽ ഒന്നാണ് ഇത് എന്ന്. ടെയ്ലർ പറഞ്ഞു.
സൂര്യകുമാർ ഒരു അവസരവും ന്യൂസിലൻഡിന് നൽകില്ല. ന്യൂസിലൻഡ് ഫീൽഡർമാരെ എവിടെ നിർത്തിയാലും ഗ്യാപ് കണ്ടെത്താൻ അദ്ദേഹത്തിനായി. സൂര്യകുമാർ പന്ത് വെറുതെ അടിച്ചു പറത്താൻ ശ്രമിക്കുന്നില്ല, അദ്ദേഹം മികച്ച ക്രിക്കറ്റ് ഷോട്ടുകൾ ആണ് കളിച്ചത്,” ടെയ്ലർ കൂട്ടിച്ചേർത്തു.