ലോകകപ്പ് ഫൈനലിലെ തോൽവിയെ കുറിച്ച് മനസ്സു തുറന്ന് മുഹമ്മദ് സിറാജ്. ആ പരാജയൻ തന്റെ ഹൃദയം തകർത്തു എന്ന് ഇന്ത്യ പേസർ പറഞ്ഞു. സിറാജ് സോഷ്യൽ മീഡിയയിൽ ഒരു വലിയ കുറിപ്പിലൂടെ തന്റെ സങ്കടവും തന്റെ കടപ്പാടും ആരാധകരുമായി പങ്കുവെച്ചു.
” ഞങ്ങളുടെ ലോകകപ്പ് ഞങ്ങൾ ആഗ്രഹിച്ചതുപോലെ അവസാനിച്ചില്ല, പക്ഷേ ഇന്ത്യയെ പ്രതിനിധീകരിക്കുന്നത് എനിക്ക് ഏറ്റവും അഭിമാനകരമാണ്. എന്റെ രാജ്യത്തെ പ്രതിനിധീകരിക്കുക മാത്രമാണ് ഞാൻ ചെയ്യാൻ ആഗ്രഹിച്ചത്.” സിറാജ് കുറിച്ചു.
“ഹൃദയം തകർന്നു! വാക്കുകൾക്ക് നിരാശയും വേദനയും പ്രകടിപ്പിക്കാൻ കഴിയില്ല. അംഗീകരിക്ക് ബുദ്ധിമുട്ടുള്ള ഒരു തോൽവി ആയിരുന്നു അത്. നമ്മുടെ രാജ്യത്തിന്റെ വിജയത്തിബായി ഓരോ ദിവസവും കഠിനാധ്വാനം ചെയ്യാൻ ആണ് ഞങ്ങൾ ലക്ഷ്യമിടുന്നത്!” സിറാജ് പറയുന്നു.
“ഞങ്ങൾക്ക് ആവശ്യമായ പരിചരണം നൽകാനും ഗെയിമുകൾക്കായി തയ്യാറെടുക്കാൻ ഞങ്ങളെ സഹായിക്കാനും തിരശ്ശീലയ്ക്ക് പിന്നിൽ കഠിനാധ്വാനം ചെയ്യുന്ന ഞങ്ങളുടെ സപ്പോർട്ട് സ്റ്റാഫിന് ഒരു വലിയ നന്ദി പറയുന്നു, നിങ്ങളുടെ സംഭാവനകൾ ഈ ടീമിന് വളരെ വലുതാണ്.”
“നിങ്ങളുടെ പിന്തുണയ്ക്ക് ഞങ്ങളുടെ എല്ലാ ആരാധകർക്കും നന്ദി.!” സിറാജ് ഇൻസ്റ്റഗ്രാമിൽ പറഞ്ഞു.