ശ്രേയസ് അയ്യർ ഭാവിയിൽ ഇന്ത്യൻ ടീമിനെ നയിക്കാൻ യോഗ്യനാണെന്ന് കെകെആർ ടീമിൻ്റെ മുഖ്യ പരിശീലകൻ ചന്ദ്രകാന്ത് പണ്ഡിറ്റ്. IPL ഫൈനലിൽ എസ്ആർഎച്ചിനെ പരാജയപ്പെടുത്തി ശ്രേയസ് കെകെആർ ഫ്രാഞ്ചൈസിയെ ഐപിഎൽ 2024 കിരീട നേട്ടത്തിലേക്ക് അയ്യർ നയിച്ചതിന് പിന്നാലെയാണ് പണ്ഡിറ്റിൻ്റെ പരാമർശം.
“ഈ വിജയത്തിൽ ശ്രേയസിന് ഞാൻ ഒരുപാട് ക്രെഡിറ്റ് നൽകും. അവൻ ഒരു മികച്ച ക്യാപ്റ്റനാണ്, വളരെ ശാന്തനുമാണ്. ഞങ്ങളുടെ നിർദ്ദേശങ്ങൾ അദ്ദേഹം സ്വീകരിക്കുകയും കളിക്കളത്തിലും പുറത്തും ടീമിനെ നന്നായി കൈകാര്യം ചെയ്യുകയും ചെയ്തു. കെകെആറിനൊപ്പം, അവനെ നായകൻ ആക്കുന്ന ഗുണങ്ങൾ അദ്ദേഹം കാണിച്ചു തന്നു. ഭാവിയിൽ ഇന്ത്യൻ ക്യാപ്റ്റൻസിക്ക് അർഹനാണ് അവൻ,” പണ്ഡിറ്റ് പറഞ്ഞു.