ഇന്ത്യൻ സീനിയർ താരങ്ങൾ ആഭ്യന്തര ക്രിക്കറ്റിൽ സജീവമാവുകയാണ്. ഇപ്പോൾ ശ്രേയസ് അയ്യറും ബുച്ചി ബാബു ടൂർണമെന്റിൽ കളിക്കും എന്ന് പ്രഖ്യാപിച്ചിരിക്കുകയാണ്. മുംബൈ ക്രിക്കറ്റ് അസോസിയേഷൻ താരം മുംബൈയ്ക്കുവേണ്ടി ജമ്മു കശ്മീരിനെതിരെ കളിക്കും എന്ന് അറിയിച്ചു. ആഗസ്റ്റ് 27ന് കോയമ്പത്തൂരിൽ വെച്ചാണ് മത്സരം നടക്കുന്നത്.
ഈ മത്സരത്തിൽ സൂര്യകുമാർ യാദവും മുംബൈക്ക് വേണ്ടി കളിക്കും. സെപ്തംബർ 19ന് ബംഗ്ലാദേശിനെതിരെ രണ്ട് ടെസ്റ്റുകളുടെ പരമ്പര ആരംഭിക്കുന്നത് വരെ ഇന്ത്യക്ക് വേറെ മത്സരങ്ങൾ ഇല്ല. ഇതാണ് താരങ്ങൾ ആഭ്യന്തര ക്രിക്കറ്റിൽ സജീവമാകുന്നത്. ദുലീപി ട്രോഫിയിലും ബുച്ചി ബാബു ട്രോഫിയിലും നിരവധി സീനിയർ താരങ്ങൾ ആണ് കളിക്കാൻ സന്നദ്ധത അറിയിച്ചിരിക്കുന്നത്.