ഇന്ത്യയുടെ പുതുമുഖ ടെസ്റ്റ് താരം പൃഥ്വി ഷായ്ക്ക് മേല് പ്രശംസ ചൊരിഞ്ഞ് രവി ശാസ്ത്രി. താരം ക്രിക്കറ്റ് കളിക്കവാനായി ജനിച്ചതാണെന്ന് വ്യക്തമാക്കിയ രവി ശാസ്ത്രി എട്ടാം വയസ്സ് മുതല് ക്രിക്കറ്റ് കളിക്കുന്നൊരാളാണ് പൃഥ്വി ഷാ എന്ന് പറഞ്ഞു. കാണികള്ക്ക് സുന്ദര നിമിഷങ്ങള് നല്കുന്നൊരു താരമാണ് പൃഥ്വി ഷായെന്നും രവി ശാസ്ത്രി പറഞ്ഞു. ദേവേന്ദ്ര ബിഷുവിനെ കവറിലൂടെ ബൗണ്ടറി പായിച്ച് മത്സരത്തില് ഇന്ത്യയെ വിജയത്തിലേക്ക് നയിച്ച പൃഥ്വി പരമ്പരയിലെ താരം അവാര്ഡും സ്വന്തമാക്കിയിരുന്നു.
പൃഥ്വി ബാറ്റ് ചെയ്യുമ്പോള് സച്ചിന്റെയും വീരുവിന്റെയും ഒരു മിന്നലാട്ടം നമുക്ക് കാണാം, പൃഥ്വി നടക്കുമ്പോള് ബ്രയാന് ലാറയുമായി ചെറിയൊരു സാമ്യം നമുക്ക് തോന്നാം. ഇതെല്ലാം തന്നെ താരത്തെ അത്യപൂര്വ്വമായൊരു താരമാക്കി മാറ്റുന്നുണ്ട്. ഇന്ത്യയുടെ ഭാവി താരമാണ് പൃഥ്വി ഷായെന്നതില് ഒരു തര്ക്കവുമില്ലെന്നും രവി ശാസ്ത്രി വ്യക്തമാക്കി.