ഖവാജ വേണ്ടെന്ന് അഭിപ്രായപ്പെട്ട് ഷെയിന്‍ വോണ്‍, സ്മിത്തും വാര്‍ണറും വേണം

ഓസ്ട്രേലിയയുടെ ലോകകപ്പ് സ്ക്വാഡില്‍ നിന്ന് ഉസ്മാന്‍ ഖവാജയെ ഒഴിവാക്കണമെന്ന് അഭിപ്രായപ്പെട്ട് ഷെയിന്‍ വോണ്‍. പകരം ഡാര്‍സി ഷോര്‍ട്ടിനെ ഓസ്ട്രേലിയ ഓപ്പണര്‍ ആയി പരിഗണിക്കണമെന്നാണ് ഷെയിന്‍ വോണിന്റെ അഭിപ്രായം. കഴിഞ്ഞ മാസം അവസാനിച്ച ബിഗ് ബാഷ് ലീഗിലെ പരമ്പരയിലെ താരമായി തിരഞ്ഞെടുക്കപ്പെട്ടയാളാണ് ഡാര്‍സി ഷോര്‍ട്ട്. കഴിഞ്ഞ സീസണിലും ഷോര്‍ട്ട് തന്നെയായിരുന്നു കളിയിലെ താരം എന്നാല്‍ താരത്തിനു ഇന്ത്യയ്ക്കെതിരെയുള്ള ആദ്യ ഏകദിനത്തില്‍ അവസരം ലഭിച്ചിരുന്നില്ല.

പകരമെത്തിയ ഉസ്മാന്‍ ഖവാജ ഓപ്പണറുടെ റോളില്‍ 76 പന്തില്‍ നിന്ന് 50 റണ്‍സ് നേടിയിരുന്നു. എന്നാല്‍ മോശം ഫോം തുടരുന്ന ആരോണ്‍ ഫിഞ്ചിനെയല്ല ഉസ്മാന്‍ ഖവാജയെയാണ് താരം ഒഴിവാക്കണമെന്ന് ഷെയിന്‍ വോണ്‍ അഭിപ്രായപ്പെടുന്നത്. അതേ സമയം വിലക്കപ്പെട്ട താരങ്ങളായ സ്മിത്തിനെയും ഡേവിഡ് വാര്‍ണറെയും ഉള്‍പ്പെടുത്തണമെന്നും ഷെയിന്‍ വോണ്‍ ആവശ്യപ്പെടുന്നുണ്ട്.