ഞായറാഴ്ച ആരംഭിക്കുന്ന ബംഗ്ലാദേശിനെതിരായ ഏകദിന പരമ്പരയ്ക്കുള്ള ഇന്ത്യൻ ടീമിൽ മുഹമ്മദ് ഷമിക്ക് പകരം ഉമ്രാൻ മാലിക്ക് ഇടം നേടി.പരിശീലനത്തിനിടെ ഷമിക്ക് തോളിന് പരിക്കേറ്റതിനാൽ ആണ് താരം പുറത്തായത്. ഷമി ഏകദിന പരമ്പരയിൽ ഇനി കളിക്കില്ല. ടെസ്റ്റിലും താരം കളിക്കുന്ന കാര്യം സംശയകരമാണ്.
ഷമിയോ എൻ സി എയിൽ എത്താൻ ബി സി സി ഐ നിർദ്ദേശം നൽകിയിട്ടുണ്ട്. ഉമ്രാൻ മാലിക് ന്യൂസിലൻഡിൽ നടന്ന പരമ്പരയിൽ ടീമിൽ ഉണ്ടായിരുന്നു. യുവതാരത്തിന് കൂടുതൽ അവസരം കൊടുക്കാൻ കൂടെയാണ് ഇന്ത്യ ഈ സാഹചര്യം ഉപയോഗിക്കുന്നത്.
ഡിസംബർ 14 ന് ആണ് ടെസ്റ്റ് പരമ്പര ആരംഭിക്കേണ്ടത്. അതിനു മുമ്പ് ഷമിയുടെ പരിക്ക് മാറിയില്ല എങ്കിൽ താരത്തിന് പകരം ആരെന്ന് ബി സി സി ഐ പ്രഖ്യാപിക്കും.