2024 ജനുവരിയിലെ ICC മികച്ച പുരുഷ ക്രിക്കറ്റർക്കുള്ള പുരസ്കാരൻ പ്രഖ്യാപിച്ചു. വെസ്റ്റ് ഇൻഡീസിന്റെ യുവതാരം ഷമാർ ജോസഫ് ഐസിസിയുടെ മികച്ച പുരുഷ കളിക്കാരനായി തിരഞ്ഞെടുക്കപ്പെട്ടു. ഇംഗ്ലണ്ട് ബാറ്റർ ഒല്ലി പോപ്പിനെയും ഓസ്ട്രേലിയൻ സീമർ ജോഷ് ഹേസിൽവുഡിന്ര്യും മറികടന്നാണ് ഷമാർ ഈ പുരസ്കാരം നേടിയത്.
ഓസ്ട്രേലിയയ്ക്കെതിരായ ആദ്യ ടെസ്റ്റിൽ ആയിരുന്നു ഷമാർ ജോസഫ് തന്റെ അന്താരാഷ്ട്ര അരങ്ങേറ്റം കുറിച്ചത്. അഡ്ലെയ്ഡിലെ തൻ്റെ ആദ്യ ടെസ്റ്റ് മത്സരത്തിൽ 5-94 എന്ന മികച്ച പ്രകടനം നടത്താൻ ഷമാറിനായിരുന്നു.
ബ്രിസ്ബേനിൽ നടന്ന രണ്ടാം ടെസ്റ്റിൽ ഓസ്ട്രേലിയയ്ക്കെതിരായ വെസ്റ്റ് ഇൻഡീസിൻ്റെ അട്ടിമറി വിജയത്തിൽ ഹീറോ ആയതും ജോസഫ് ആയിരുന്നു. 7-68 എന്ന മികച്ച ബൗളിംഗ് അദ്ദേഹം കാഴ്ചവെച്ചു. രണ്ട് ടെസ്റ്റുകളിലായി 17.30 ശരാശരിയിൽ 13 വിക്കറ്റ് അദ്ദേഹം വീഴ്ത്തിരുന്നു.