ഷഹീന് അഫ്രീദിയുടെ മൂന്ന് വിക്കറ്റില് തകര്ന്ന് ഓസ്ട്രേലിയ. പാക്കിസ്ഥാന്റെ 194/7 എന്ന സ്കോര് ചേസ് ചെയ്യാനിറങ്ങിയ ഓസ്ട്രേലിയന് നിരയില് ആര്ക്കും തന്നെ വേണ്ടത്ര മികവ് പുലര്ത്താനാകാതെ വന്നപ്പോള് 20 ഓവറില് ടീമിനു 149/7 എന്ന സ്കോര് മാത്രമേ നേടാനായുള്ളു. മത്സരത്തില് 45 റണ്സ് വിജയം നേടിയ പാക്കിസ്ഥാന്റെ ഫകര് സമന് ആണ് കളിയിലെ താരം. 42 പന്തില് 73 റണ്സാണ് സമന്റെ സംഭാവന.
37 റണ്സ് നേടി പുറത്താകാതെ നിന്ന അലക്സ് കാറെ ആണ് ഓസ്ട്രേലിയയുടെ ടോപ് സ്കോറര്. ഡാര്സി ഷോര്ട്ട് 28 റണ്സ് നേടി. ബാക്കിയാര്ക്കും തന്നെ 20നു മേലുള്ള സ്കോര് നേടാനാകാതെ വന്നപ്പോള് ഓസ്ട്രേലിയയുടെ ചേസിംഗ് ലക്ഷ്യം കാണാതെ അവസാനിച്ചു.
ഷഹീന് അഫ്രീദിയുടെ മൂന്ന് വിക്കറ്റുകള്ക്ക് പുറമേ മുഹമ്മദ് അമീര്, ഫഹീം അഷ്റഫ്, ഷദബ് ഖാന്, ഉസ്മാന് ഖാന് എന്നിവരും വിക്കറ്റ് പട്ടികയില് ഇടം പിടിച്ചു.
കൂടുതൽ കായിക വാർത്തകൾക്ക് : www.facebook.com/FanportOfficial
