മുൻ ഇന്ത്യൻ ക്രിക്കറ്റ് താരം ഷഹബാസ് നദീം ക്രിക്കറ്റിൽ നിന്ന് വിരമിച്ചു. ജാർഖണ്ഡിൻ്റെ രഞ്ജി ട്രോഫിയിലെ രാജസ്ഥാനെതിരെ നടന്ന മത്സരത്തിലാണ് സ്പിന്നർ നദീം അവസാനമായി കളിച്ചത്, ആ മത്സരത്തിൽ അദ്ദേഹം 3 വിക്കറ്റും 46 റൺസും നേടിയിരുന്നു.
ഫസ്റ്റ് ക്ലാസിൽ 542 വിക്കറ്റും, ലിസ്റ്റ് എ ക്രിക്കറ്റിൽ 175 വിക്കറ്റും, ടി20 ക്രിക്കറ്റിൽ 125 വിക്കറ്റുകളും നദീം വീഴ്ത്തിയിട്ടുണ്ട്. ഇന്ത്യക്കായി 2 ടെസ്റ്റുകൾ മാത്രമാണ് നദീം കളിച്ചത്, അതിൽ 8 വിക്കറ്റ് വീഴ്ത്തി. 34-കാരനായ അദ്ദേഹം ഇന്ത്യൻ പ്രീമിയർ ലീഗിൽ (ഐപിഎൽ) 72 മത്സരങ്ങൾ കളിച്ചു, 7.56 എന്ന ഇക്കോണമി നിരക്കിൽ 48 വിക്കറ്റുകൾ ഐ പി എല്ലിൽ നേടി.
ഡൽഹി ഡെയർഡെവിൾസ്, സൺറൈസേഴ്സ് ഹൈദരാബാദ്, ലഖ്നൗ സൂപ്പർ ജയൻ്റ്സ് എന്നിവരെ ഐ പി എല്ലിൽ പ്രതിനിധീകരിച്ചിട്ടുണ്ട്.