റിഷഭ് പന്ത് ടി20 ലോകകപ്പിനായുള്ള ഇന്ത്യൻ ടീമിൽ ഉണ്ടാകണം എന്ന് സഞ്ജയ് മഞ്ജരേക്കർ. വരുന്ന ഐ പി എൽ സീസണിൽ പന്ത് കളിക്കുക ആണെങ്കിൽ തീർച്ചയായും പന്ത് ഇന്ത്യയുടെ ലോകകപ്പ് ടീമിൽ എത്തും എന്ന് മഞ്ജരേക്കർ പറഞ്ഞു.
“റിഷഭ് പന്ത് ഫിറ്റ് ആണെങ്കിൽ, ഐപിഎൽ മുഴുവൻ സീസണും കളിക്കാൻ കഴിയുമെങ്കിൽ, തീർച്ചയായും ഇന്ത്യൻ ടീമിലേക്ക് എളുപ്പത്തിൽ മടങ്ങിയെത്തും,” മഞ്ജരേക്കർ സ്റ്റാർ സ്പോർട്സിൽ പറഞ്ഞു. കാറപകടത്തിനു ശേഷം പന്ത് ഇതുവരെ കളിക്കളത്തിലേക്ക് തിരികെ എത്തിയിട്ടില്ല. ഐ പി എല്ലോടെ പന്ത് തിരികെ വരും എന്നാണ് പ്രതീക്ഷിക്കപ്പെടുന്നത്.
ടി20 ലോകകപ്പിനു മുമ്പ് പന്തിന് ഫിറ്റ്നസ് നേടാനാകാതെ വന്നാൽ ഇന്ത്യ ഇഷാൻ കിഷനെയും ജിതേഷ് ശർമ്മയയെഉം തിരഞ്ഞെടുക്കണമെന്നും മഞ്ജരേക്കർ വാദിച്ചു. ഒരു ഇടംകൈയ്യൻ ഓപ്പണർ-കീപ്പർ ഉള്ളത് പ്രീമിയർ ടി20 ഐ ടൂർണമെന്റിൽ ഇന്ത്യയ്ക്ക് വിലപ്പെട്ട സമ്പത്തായിരിക്കുമെന്ന് മഞ്ജരേക്കർ പറഞ്ഞു.