ദക്ഷിണാഫ്രിക്കക്കെതിരായ T20 മത്സരത്തിൽ ഇന്ത്യക്ക് 150 വിജയലക്ഷ്യം. മൊഹാലിയിൽ ടോസ്സ് നേടിയ ഇന്ത്യ ആദ്യം ദക്ഷിണാഫ്രിക്കയെ ബാറ്റിംഗിനയച്ചു. ടോസ്സ് നേടി ബൗളിംഗ് തിരഞ്ഞെടുത്ത കൊഹ്ലിയുടെ തീരുമാനം ശരിയാണെന്ന് തെളിയിക്കുന്നതായിരുന്നു ഇന്നത്തെ ഇന്ത്യൻ പ്രകടനം. ആദ്യം ബാറ്റ് ചെയ്ത സൗത്താഫ്രിക്ക 5 വിക്കറ്റ് നഷ്ടത്തിൽ 149 റൺസെടുത്തു.
ദക്ഷിണാഫ്രിക്കൻ നിരയിൽ നിന്നും ക്യാപ്റ്റൻ ക്വിന്റൺ ഡി കോക്കും തെംബ ബവുമയും മാത്രമാണ് പൊരുതിയത്. 37 പന്തുകൾ നേരിട്ട ഡി കോക്ക് 8 ബൗണ്ടറികൾ ഉൾപ്പെടെ 52 റൺസും ബവുമ 3 ബൗണ്ടറികളും ഒരു സിക്സുമുൾപ്പടെ 49 റൺസും നേടി. രണ്ട് വിക്കറ്റുമായി ചഹറും ഓരോ വിക്കറ്റുമായി ജഡേജ,പാണ്ട്യ , സൈനി എന്നിവരും ഇന്ത്യക്ക് തുണയായി.