ഇംഗ്ലണ്ടിനെതിരെ ഹാമിള്ട്ടണില് ന്യൂസിലാണ്ടിന്റെ രക്ഷകനായപ്പോള് റോസ് ടെയിലര് മറ്റൊരു നാഴികക്കല്ല് കൂടി സ്വന്തമാക്കിയിരുന്നു. ന്യൂസിലാണ്ടിന് വേണ്ടി ഏഴായിരം ടെസ്റ്റ് റണ്സ് നേടിയ താരമെന്ന ബഹുമതിയാണ് പുറത്താകാതെ 105 റണ്സ് നേടുന്നതിനിടെ ഈ സീനിയര് താരം സ്വന്തമാക്കിയത്.
ഈ നേട്ടം പേരിലാക്കുന്ന രണ്ടാമത്തെ താരം മാത്രമാണ് റോസ് ടെയിലര്. 7172 റണ്സ് നേടിയ സ്റ്റീഫന് ഫ്ലെമിംഗ് ആണ് പട്ടികയിലെ ഒന്നാമന്. റോസ് ടെയിലറിന് 7022 റണ്സാണ് ഇപ്പോള് സ്വന്തമായുള്ളത്.
ബ്രണ്ടന് മക്കല്ലം 6453 റണ്സുമായി മൂന്നാം സ്ഥാനത്തും 6322 റണ്സുമായി നിലവിലെ ന്യൂസിലാണ്ട് നായകന് കെയിന് വില്യംസണ് നാലാം സ്ഥാനത്തും സ്ഥിതി ചെയ്യുന്നു.