ജോ റൂട്ട് നേടിയ ശതകത്തിന്റെ ബലത്തിൽ കൂറ്റന് സ്കോര് നേടി ഇംഗ്ലണ്ട്. രണ്ടാം ദിവസം അവസാനിച്ചപ്പോള് ഇംഗ്ലണ്ടിന്റെ ഒന്നാം ഇന്നിംഗ്സ് 423/8 എന്ന നിലയിലാണ്. ടോപ് ഓര്ഡറിന്റെ കരുത്തുറ്റ പ്രകടനമാണ് ഇംഗ്ലണ്ടിനെ 345 റൺസ് ലീഡിലേക്ക് നയിച്ചത്. ഇതിൽ 121 റൺസ് നേടി ജോ റൂട്ട് അതിശക്തമായ പ്രകടനം പുറത്തെടുത്തു. റൂട്ടിനെ ജസ്പ്രീത് ബുംറയാണ് പുറത്താക്കിയത്.
ദാവിദ് മലന്(70), ഹസീബ് ഹമീദ്(68), റോറി ബേൺസ്(61) എന്നിവരും തിളങ്ങി. ഇന്ത്യയ്ക്കായി മുഹമ്മദ് ഷമി മൂന്നും രവീന്ദ്ര ജഡേജ, മുഹമ്മദ് സിറാജും എന്നിവര് രണ്ട് വിക്കറ്റും നേടി.
24 റൺസ് നേടിയ ക്രെയിഗ് ഓവര്ട്ടണും റണ്ണൊന്നുമെടുക്കാതെ ഒല്ലി റോബിന്സണും ആണ് ആതിഥേയര്ക്കായി ക്രീസിലുള്ളത്.