പാക്കിസ്ഥാനെതിരെ അവസാന ഓവറിൽ വിജയം കരസ്ഥമാക്കിയെങ്കിലും ഇന്ത്യ ഐസിസി ടൂര്ണ്ണമെന്റുകളിലും മറ്റും വിജയിക്കണമെങ്കിൽ രോഹിത് ശര്മ്മയും വിരാട് കോഹ്ലിയും വലിയ സ്കോറുകള് നേടണമെന്ന് അഭിപ്രായപ്പെട്ട് വസീം ജാഫര്.
പാക്കിസ്ഥാനെതിരെ 148 റൺസ് ചേസ് ചെയ്യുന്നതിനിടെ 12 റൺസ് നേടിയ രോഹിത്തിനെ ഇന്ത്യയ്ക്ക് നഷ്ടമായി. രോഹിത്തിന് അധികം സ്ട്രൈക്ക് ലഭിയ്ക്കാതെ ഇരുന്നതാണ് താരത്തിന് ഇന്നലെ തിരിച്ചടിയായതെന്നും വസീം ജാഫര് പറഞ്ഞു.
രാഹുല് വേഗത്തിൽ പുറത്തായ ശേഷം വിരാട് കോഹ്ലിയാണ് പവര്പ്ലേയിൽ കൂടുതൽ പന്തുകളും കളിച്ചത്. രോഹിത് ഒരു സിക്സ് നേടിയ വീണ്ടും വലിയ ഷോട്ടിന് ശ്രമിച്ചാണ് പുറത്തായത്. രോഹിത് ശര്മ്മ പവര്പ്ലേയിൽ ഒരു ബൗണ്ടറി പോലും അടിക്കാതെ 5 റൺസുമായാണ് നിന്നതെന്നും ഇത് സാധാരണ സംഭവിക്കാത്ത കാര്യമാണ്. താരത്തിന് ഇന്നലെ വേണ്ടത്ര സ്ട്രൈക്ക് ലഭിച്ചില്ലെന്നും വസീം സൂചിപ്പിച്ചു.