ദക്ഷിണാഫ്രിക്കയ്ക്കെതിരെ ഒരു ടെസ്റ്റ് പരമ്പരയില് 500ലധികം റണ്സ് നേടുന്ന ആദ്യ ഇന്ത്യന് താരമെന്ന ബഹുമതി സ്വന്തമാക്കി രോഹിത് ശര്മ്മ. ഇന്ന് തന്റെ ഇരട്ട ശതകത്തിന് തൊട്ടടുത്തെത്തി 199 റണ്സില് നില്ക്കുന്ന രോഹിത് ശര്മ്മ ഇതുവരെ പരമ്പരയില് മൂന്ന് ശതകം ഉള്പ്പെടെയാണ് റണ്സ് വാരിക്കൂട്ടിയിരിക്കുന്നത്. 1996/97 സീസണില് മുഹമ്മദ് അസ്ഹറുദ്ദീന് നേടിയ 388 റണ്സായിരുന്നു ഇതിന് മുമ്പുള്ള ഏറ്റവും മികച്ച ഇന്ത്യന് താരത്തിന്റെ പ്രകടനം.
വിനൂ മങ്കഡ്, ബുധി കുന്ദേരന്, സുനില് ഗവാസ്കര്, വിരേന്ദര് സേവാഗ് എന്നിവരാണ് ഒരു പരമ്പരയില് 500ലധികം റണ്സ് നേടുന്ന ഇന്ത്യന് ഓപ്പണര്മാര്. ഇതില് സുനില് ഗവാസ്കര് അഞ്ച് തവണ ഈ നേട്ടം സ്വന്തമാക്കിയിട്ടുണ്ട്.