അരങ്ങേറ്റ മത്സരത്തിലെ പ്രകടനത്തിലൂടെ പ്ലേയര് ഓഫ് ദി മാച്ച് പുരസ്കാരം ലഭിച്ച രവി ബിഷ്ണോയിയെ വാനോളം പുകഴ്ത്തി രോഹിത് ശര്മ്മ. മികച്ച പ്രതിഭയാണ് ബിഷ്ണോയി എന്നും അതാണ് താരത്തെ നേരെ ഇലവനിൽ ഉള്പ്പെടുത്തിയതെന്നും രോഹിത് ശര്മ്മ വ്യക്തമാക്കി.
മത്സരത്തിന്റെ ഏത് ഘട്ടത്തിലും വന്ന് പന്തെറിയുവാന് കഴിയുന്ന താരമാണ് ബിഷ്ണോയി എന്നും താരത്തിന്റെ വേരിയേഷനുകളും സ്കിൽ സെറ്റും വേറിട്ട് നിൽക്കുന്നതാണെന്നും രോഹിത് ശര്മ്മ പറഞ്ഞു.
താരം ടീമിലുള്ളതിനാൽ തന്നെ ബൗളര്മാരെ റൊട്ടേറ്റ് ചെയ്യുവാനുള്ള മികച്ച അവസരവും ക്യാപ്റ്റന് ലഭിക്കുന്നുവെന്ന് രോഹിത് സൂചിപ്പിച്ചു.
താരത്തിന്റെ ആദ്യ മത്സരത്തിൽ താന് വളരെ സംതൃപ്തനാണെന്നും ഇന്ത്യയുടെ ഭാവി താരമായി ബിഷ്ണോയി മാറുമെന്നും രോഹിത് അഭിപ്രായപ്പെട്ടു.