Local Sports News in Malayalam

“കളി തീർക്കാൻ സച്ചിൻ പറഞ്ഞത് കൊണ്ടാണ് ആക്രമിച്ചു കളിച്ചത്” – സെവാഗ്

ഇന്നലെ നടന്ന റോഡ് സേഫ്റ്റി ടൂർണമെന്റിലെ മത്സരത്തിൽ ഇന്ത്യൻ ഇതിഹാസ താരങ്ങൾ വളരെ അനായാസമായാണ് ബംഗ്ലാദേശിനെ മറികടന്നത്. 10 ഓവറിൽ ആണ് ഇന്ത്യൻ 110 റൺസ് ചെയ്സ് ചെയ്തത്. 35 പന്തിൽ 80 റൺസ് അടിച്ച് സെവാഗ് ആണ് വിജയ ശില്പി ആയത്. സച്ചിൻ പറഞ്ഞത് കൊണ്ടാണ് താൻ ആക്രമിച്ചു കളിച്ചത് എന്ന് സെവാഗ് പറഞ്ഞു. പെട്ടെന്ന് കളി തീർക്കാൻ സെവാഗ് ആണ് പറഞ്ഞത്. അതാണ് താൻ തിരക്ക് കാണിച്ചത് എന്ന് സെവാഗ് പറഞ്ഞു.

തനിക്ക് ഒരൊറ്റ ടെക്നിക്ക് മാത്രമേ ഉള്ളൂ. അത് ബൗൾ കണ്ടാൽ അടിക്കുക എന്നത് മാത്രമാണ് എന്ന് സെവാഗ് പറഞ്ഞു. ആകെ പത്തു മിനുട്ട് നെറ്റ്സിൽ ചിലവഴിച്ചത്ത് മാത്രമാണ് താൻ നടത്തിയ പരിശീലനം എന്നും സെവാഗ് പറഞ്ഞു. താൻ സെവാഗിന്റെ ബാറ്റിംഗ് ആസ്വദിക്കുക ആയിരുന്നു എന്ന് സച്ചിൻ പറഞ്ഞു. സച്ചിൻ ആയിരുന്നു സെവാഗിനൊപ്പം വിജയത്തിലേക്ക് ഇന്ത്യയെ നയിച്ചത്.

You might also like