ലോക റോഡ് സുരക്ഷ ടൂർണമെന്റിന്റെ ഫൈനൽ ഇന്ന് നടക്കും. കിരീടത്തിനായി ഇന്ത്യൻ ഇതിഹാസങ്ങളും ശ്രീലങ്കൻ ഇതിഹാസങ്ങളുമാണ് നേർക്കുനേരരുന്നത്. സെമി ഫൈനലിൽ ദക്ഷിണാഫ്രിക്കയെ പരാജയപ്പെടുത്തി കൊണ്ടാണ് ശ്രീലങ്ക ഫൈനലിലേക്ക് എത്തിയത്. മികച്ച ഫോമിലുള്ള ദിൽഷനിൽ ആണ് ശ്രീലങ്കയുടെ പ്രതീക്ഷ. ടൂർണമെന്റിൽ ഏറ്റവും കൂടുതൽ റൺസ് എടുത്ത താരവും ഏറ്റവും കൂടുതൽ വിക്കറ്റ് എടുത്ത താരവും ദിൽഷൻ തന്നെയാണ്.
ഇന്ത്യ വെസ്റ്റിൻഡീസിനെ പരാജയപ്പെടുത്തി ആണ് ഫൈനലിൽ എത്തിയത്. യുവരാജ് സിങിന്റെയും സച്ചിന്റെയും ഫോമിലാണ് ഇന്ത്യയുടെ പ്രതീക്ഷ. അവസാന മത്സരങ്ങളിലായി യൂസുഫ് പഠാനും ഇർഫാനും ഒക്കെ ഫോമിലേക്ക് ഉയർന്നിട്ടുണ്ട്. ഇന്ന് രാത്രി 7 മണിക്കാണ് മത്സരം. കളി തത്സമയം കളേഴ്സ് സിനിപ്ലേക്സിൽ കാണാം.