അഘാനിസ്ഥാന്റെ ലെഗ് സ്പിന്നർ റാഷിദ് ഖാൻ ശ്രീലങ്കയ്ക്കെതിരായ ടീമിന്റെ ആദ്യ രണ്ട് ഏകദിന മത്സരങ്ങൾക്ക് ഉണ്ടാകില്ല. മുതുകിന് പരിക്കേറ്റ റാഷിദ് ഇപ്പോൾ ചികിത്സയിലാണ്. ജൂൺ 2ന് ആണ് ശ്രീലങ്ക അഫ്ഘാനിസ്ഥാൻ ഏകദിന പരമ്പര ആരംഭിക്കുന്നത്. മൂന്ന് മത്സര ഏകദിന പരമ്പരയിലെ മൂന്നാമത്തേതും അവസാനത്തേതുമായ മത്സരത്തിൽ റാഷിദ് ഖാൻ കളിച്ചേക്കും.
അടുത്തിടെ സമാപിച്ച ഇന്ത്യൻ പ്രീമിയർ ലീഗിൽ (ഐപിഎൽ) മികച്ച ഫോമിലായിരുന്നു റാഷിദ്. ഫൈനൽ വരെയുള്ള ഗുജറാത്ത് ടൈറ്റൻസിന്റെ കുതിപ്പിൽ നിർണായക പങ്കുവഹിച്ചു. ഐ പി എല്ലിൽ ആകെ 17 മത്സരങ്ങളിൽ നിന്ന് 27 വിക്കറ്റുകൾ റാഷിദ് വീഴ്ത്തി. ബാറ്റ് കൊണ്ടും ഈ ഐ പി എല്ലിൽ റാഷിദ് തിളങ്ങിയിരുന്നു. മുംബൈ ഇന്ത്യൻസിനെതിരായ മത്സരത്തിൽ 10-സിക്സറുകൾ ആണ് റാഷിദ് അടിച്ചത്.