റാഷിദ് ഖാൻ ദി ഹണ്ട്രഡിൽ നിന്ന് പിന്മാറി. പരിക്ക് ആണെന്നും തനിക്ക് ഈ സീസണിൽ കളിക്കാൻ ആകില്ല എന്നും അദ്ദേഹം അറിയിച്ചു. ട്രെന്റ് റോക്കറ്റ്സിനായി മൂന്ന് മത്സരങ്ങൾ കളിക്കേണ്ടിയിരുന്ന അഫ്ഗാനിസ്ഥാൻ ഇന്റർനാഷണൽ ഇന്നലെ മേജർ ലീഗ് ക്രിക്കറ്റ് ഫൈനലിൽ കളിച്ച ശേഷമാണ് ഹണ്ട്രഡിൽ നിന്ന് പിന്മാറുകയാണെന്ന് അറിയിച്ചത്.
“പരിക്കിനെത്തുടർന്ന് ഹണ്ട്രഡിൽ നിന്ന് പിന്മാറേണ്ടി വന്നതിൽ ഞാൻ ശരിക്കും നിരാശനാണ്. ആദ്യ രണ്ട് വർഷം ഈ ടൂർണമെന്റിൽ കളിക്കാൻ സാധിച്ചത് വലിയ കാര്യമാണ്, ട്രെന്റ് റോക്കറ്റ്സ് മികച്ച ടീമാണ്, അടുത്ത വർഷം വീണ്ടും തിരിച്ചെത്തുമെന്ന് പ്രതീക്ഷിക്കുന്നു.” റാഷിദ് പറഞ്ഞു.
പാകിസ്ഥാൻ ഓൾറൗണ്ടർ ഇമാദ് വസീം റാഷിദിനു പകരം ട്രെന്റ് റോക്കറ്റ്സിനായി കളിക്കും. ഇന്നാണ് ദി ഹണ്ട്രഡ് ആരംഭിക്കുന്നത്.