തുടക്കം പാളി, ആദ്യ മണിക്കൂറിനുള്ളില്‍ തന്നെ നാല് വിക്കറ്റ് നഷ്ടമായി കേരളം

രഞ്ജി ട്രോഫി സെമി ഫൈനലില്‍ വിദര്‍ഭയ്ക്കെതിരെ കേരളത്തിനു മോശം തുടക്കം. പത്തോവറുകള്‍ പൂര്‍ത്തിയാക്കുമ്പോളേക്കും കേരളത്തിനു 4 വിക്കറ്റാണ് നഷ്ടമായിരിക്കുന്നത്. ഉമേഷ് യാദവ് മൂന്നും രജനീഷ് ഗുര്‍ബാനി ഒരു വിക്കറ്റും നേടിയപ്പോള്‍ പത്തോവറുകള്‍ക്ക് ശേഷം കേരളം 28/4 എന്ന നിലയിലാണ്.

മത്സരത്തില്‍ ടോസ് നേടിയ വിദര്‍ഭ കേരളത്തിനെ ബാറ്റിംഗിനയയ്ക്കുകയായിരുന്നു. പരിക്കേറ്റ സഞ്ജു സാംസണു പകരം അരു‍ണ്‍ കാര്‍ത്തിക് കേരള ടീമില്‍ എത്തിയിട്ടുണ്ട്. ചരിത്രത്തില്‍ ആദ്യമായാണ് കേരളം രഞ്ജി ട്രോഫിയുടെ സെമി ഫൈനലില്‍ എത്തുന്നത്.