രഞ്ജിയിൽ കേരളത്തിന് വേണ്ടി കളിക്കണമെന്ന് ശ്രീശാന്ത്

Photo: AFP

ബി.സി.സി.ഐ ഏർപ്പെടുത്തിയ ആജീവനാന്ത വിലക്ക് ഏഴ് വർഷമായി ചുരുക്കിയതിന് പിന്നാലെ തനിക്ക് രഞ്ജി ട്രോഫിയിൽ കേരളത്തിന് വേണ്ടി കളിക്കണമെന്ന ആഗ്രഹം പ്രകടിപ്പിച്ച് ശ്രീശാന്ത്. വിലക്ക് 7 വർഷമായി കുറച്ചതോടെ 2020സെപ്റ്റംബർ മുതൽ താരത്തിന് കളിക്കളത്തിൽ തിരിച്ചെത്താൻ സാധിക്കും.  2013ലാണ് ഐ.പി.എൽ വാതുവെപ്പിന്റെ പേരിൽ ശ്രീശാന്തിനെ ഡൽഹി പോലീസ് അറസ്റ്റ് ചെയ്യുകയും തുടർന്ന് ബി.സി.സി.ഐ ആജീവനാന്ത വിലക്ക് ഏർപ്പെടുത്തുകയും ചെയ്തത്.

വിലക്ക് മാറിയതിൽ സന്തോഷം ഉണ്ടെന്നും കേരള രഞ്ജി ടീമിലേക്ക് തിരിച്ചുവരാനും ടീമിന്റെ വിജയത്തിൽ പങ്കാളിയാവാനും താല്പര്യം ഉണ്ടെന്നും ശ്രീശാന്ത് പറഞ്ഞു. അടുത്ത മാസം മുതൽ താൻ പരിശീലനം ആരംഭിക്കുമെന്നും കേരള താരങ്ങൾ മികച്ച പ്രകടനമാണ് കാഴ്ചവെക്കുന്നതെന്നും അതൊരു പ്രചോദനമാണെന്നും ശ്രീശാന്ത് പറഞ്ഞു. അതെ സമയം താരത്തിന് ഇന്ത്യൻ ടീമിൽ കളിക്കാൻ ആഗ്രഹം ഉണ്ടെങ്കിലും അത് അപ്രായോഗികമാണെന്നാണ് ആരാധകരുടെ അഭിപ്രായം.