143 റണ്‍സുമായി ജലജ് സക്സേന, കേരളം 291 റണ്‍സിനു പുറത്ത്

Photo Courtesy: Ranjith Peralam/ Kerala Cricket Association
- Advertisement -

ബംഗാളിനെതിരെ രഞ്ജി ട്രോഫിയില്‍ 144 റണ്‍സിന്റെ ഒന്നാം ഇന്നിംഗ്സ് നേടി കേരളം. ഇന്ന് മത്സരത്തിന്റെ രണ്ടാം ദിവസം 291 റണ്‍സിനു കേരളം പുറത്താകുമ്പോള്‍ 143 റണ്‍സ് നേടിയ ജലജ് സക്സേനയുടെ മികവിലാണ് കേരളം ഒന്നാം ഇന്നിംഗ്സ് ലീഡ് സ്വന്തമാക്കിയത്. സക്സേനയ്ക്കൊപ്പം 39 റണ്‍സ് നേടിയ വിഎ ജഗദീഷും 32 റണ്‍സുമായി പുറത്താകാതെ നിന്ന അക്ഷയ് ചന്ദ്രനുമാണ് കേരളത്തിനായി തിളങ്ങിയ താരങ്ങള്‍.

യുവ താരം ഇഷാന്‍ പോറെലിന്റെ ബൗളിംഗാണ് കേരളത്തിന്റെ ഇന്നിംഗ്സിനെ ചുരുട്ടിക്കെട്ടിയത്. 114/5 എന്ന നിലയില്‍ നിന്ന് 119 റണ്‍സാണ് ആറാം വിക്കറ്റില്‍ ജലജും ജഗദീഷും ചേര്‍ന്ന് നേടിയത്. ഇരുവരുടെയും വിക്കറ്റുകള്‍ ഉള്‍പ്പെടെ നാല് വിക്കറ്റാണ് മത്സരത്തില്‍ നിന്ന് ഇഷാന്‍ നേടിയത്. മുഹമ്മദ് ഷമി 3 വിക്കറ്റ് നേടി.

രണ്ടാം ഇന്നിംഗ്സില്‍ ബംഗാള്‍ 5/1 എന്ന നിലയിലാണ്. ഒരു റണ്‍സ് നേടിയ കൗശിക് ഘോഷിനെ സന്ദീപ് വാര്യര്‍ പുറത്താക്കി. കേരളത്തിന്റെ സ്കോറിനു 139 റണ്‍സ് പിന്നിലായാണ് ബംഗാള്‍ നിലവില്‍ നില്‍ക്കുന്നത്.

Advertisement