മെല്ലെയെങ്കിലും ആദ്യത്തെ തകര്ച്ചയില് നിന്ന് കേരളത്തെ കരകയറ്റി സഞ്ജു സാംസണും റോബിന് ഉത്തപ്പയും. 53/3 എന്ന നിലയിലേക്ക് വീണ ടീമനെ 96 റണ്സ് നാലാം വിക്കറ്റ് കൂട്ടുകെട്ട് നേടിയാണ് സഞ്ജു സാംസണും റോബിന് ഉത്തപ്പയും കൂടി മുന്നോട്ട് നയിച്ചത്. ചായയ്ക്കായി ടീമുകള് പിരിയുമ്പോള് 149/3 എന്ന നിലയിലാണ് കേരളം. 77 റണ്സുമായി സഞ്ജുവും 36 റണ്സ് നേടി റോബിന് ഉത്തപ്പയുമാണ് കേരളത്തിനായി പടപൊരുതുന്നത്.
സഞ്ജു 138 പന്തില് നിന്ന് 11 ബൗണ്ടറിയുടെ സഹായത്തോടെയാണ് കളിക്കുന്നത്. ബംഗാളിനായി ഇഷാന് പോറെല്, മുകേഷ് കുമാര്, അശോക് ഡിന്ഡ എന്നിവര് ഓരോ വിക്കറ്റ് നേടി.