രഞ്ജി ട്രോഫിയില്‍ തങ്ങളുടെ മൂന്നാമത്തെയും ആദ്യത്തെ എവേ മത്സരത്തിലും കേരളത്തിനു മികച്ച ആദ്യ സെഷന്‍. ആദ്യ സെഷന്‍ പിന്നിടുമ്പോള്‍ കേരളത്തിനെതിരെ ആദ്യം ബാറ്റ് ചെയ്ത ബംഗാള്‍ 3 വിക്കറ്റ് നഷ്ടപ്പെട്ട് 77 റണ്‍സാണ് നേടിയിട്ടുള്ളത്. സന്ദീപ് വാര്യര്‍ രണ്ടും ബേസില്‍ തമ്പി ഒരു വിക്കറ്റും നേടിയ മത്സരത്തില്‍ തുടക്കത്തില്‍ പ്രതിരോധത്തിലായ ശേഷം അഭിഷേക് കുമാര്‍ രാമന്‍(40)-മനോജ് തിവാരി(22*) കൂട്ടുകെട്ട് നേടിയ 46 റണ്‍സിന്റെ ബലത്തിലാണ് മത്സരത്തിലേക്ക് ബംഗാള്‍ തിരികെ എത്തുന്നത്.
മത്സരത്തില്‍ ടോസ് നേടിയ കേരളം ബൗളിംഗ് തിരഞ്ഞെടുക്കുകയായിരുന്നു. നിലവില്‍ നായകന്‍ മനോജ് തിവാരിയ്ക്കൊപ്പം 7 റണ്‍സുമായി അനുസ്തുപ് മജുംദാര്‍ ആണ് ക്രീസില്‍ നില്‍ക്കുന്നത്.
